*الجزء الثالث عشر*

في المستشفى سوووا له عمليه علشان يسيطروا على الحاله

وحاولوا يوقفوا النزيف
نجحت العمليه وينتظرون الشاب يفيق الشاب منها حتى يتم

استجوابه لأن شكله محروق مع الحادث فماراح يقدر يتعرفوا

عليه عن طريق اعلان بالجريده
وعلشان كذا منتظرينه يفوق
:::::::::::::::::::::::::
في مستشفى ابو سعود
دخلت ام راندا ويارا وريما عند راندا اللي كان بوجهها إنها

تعبانه
ام راندا:السلام عليكم يمه راندا بنتي وراحت حضنتها
وصارت راندا تبكي في حضن امها وتقول شفتي يمه شسوى

فيني ذبحني زوجك ذبحني
الجميع ناظر ببعض ويقولون شعرفها
راندا:يمه ذبحني انا اتألم والسبه هو ولسا ماعرفت ايش فيني

بس والله الآم تمووووت
وقامت تحضنها امها ويصيحون على بعض..
يارا تهدي فيهم لأن حالتهم تكسر الخاطر وهي جالسه تناظر

ريما البنت الهاديه البريئه تصيح بصوت خافت مصحوب

بأنين
ريما اللي كل من يناظرها يشوف أدبها وحياها بوجهها
يارا:خلاص عن البكي والدلع رنووود عاد ان شاء الله

بتقومين لنا وتصيرين حصان يمشي
الجميع:امين يارب..
لكن يارا في نفسها شلون بقول لك ياراندا والله صعب

صعب..
بس اضطرت تنتظر لوقت ثاني وتقولها لأن حالتها النفسيه

ماتسمح الحين..
::::::::::::::::::::
في بريطانيا..
الساعه 9 الصباح
جالسين مهند وابو فهد ومنذر في كافتيريا تحت جنب

المستشفى يفطرون
منذر:يبه كلمني الدكتور ماركي قبل شوي..
ابوفهد:صحيح !شيبي؟
منذر:يقول فواز بدى جسمه يستجيب معهم
أبو فهد بفرحه :صدددددددددددق
منذر:ايه والله يبه..
أبو فهد:الله يبشرك بالخير يبه أجل قم خلنا نشوف الدكتور..
منذر:لا يبه الدكتور راح وبيجي العصر ان شاء الله
أبو فهد :على خير إن شاء الله اجل قوموا نرتاح وننام شوي

علشان يمدينا نجي العصر..
وقاموا كلهم راحوا للفندق اللي بجنب المستشفى يرتاحون..
:::::::::::
في بيت ابو فارس
أم فارس مثل المجنونه صارت على ولدها تصيح وسارة

تهدي فيها
خايفه على ولدها حييييييييل وقلبها قابضها..
ودموعها ماوقفت من الظهر وألحين الوقت مغرب وهي

ماتدري عن ولدها شي..
بالأخير ماتحملت اتصلت على أختها
ام فارس:السلام عليكم ورحمة الله وبركاته..
كيفيك يافاطمه
فاطمه:ياهلا والله بأختي الغاليه..
أم فارس:الله يخليك يالغاليه شخبارك ؟
فاطمه وهي حست بصوت اختها شي:يأم فارس شفيه صوتك

..بعدين انتبهت زين..تصيحين ياأم فارس..خير صاير شي..
أم فارس وهي تزيد صياح:والله ياأختي فارس طالع من الظهر

وهو معصب وإلى الآن مارجع ونتصل عليه جواله مغلق

وقلبي قارصني عليه اخاف صاير له شي واتصلت على بيت

عمته ردت علي سحر تقول كان عندهم وطلع تهاوش مع

ابوها...
فاطمه وقلبها قبضها:لا إن شاء الله مافيه غير العافيه والحين

انا بشوف سالم يروح يدوره..وبرد لك خبر بس أنتي اهم شي

ماتقلقين..
أم فارس:تكفين يافاطمه والله بموت عليه خوف..
فاطمه :قلت لك انتي اهدى الحين وانا بشوف سالم يلا سلام
ام فارس:سلام يالغاليه وطنيني تكفين
فاطمه:ان شاء الله مع السلامه.
سكرت فاطمه من أم فارس وماتدري ليش قلبها قبضها

وتضايقت من يوم اختها كلمتها..ورفعت جوالها واتصلت على

زوجها سالم وشوي وتسمع صوت رنين جواله ولا هذا هو

داخل البيت
سالم:السلام عليكم ورحمة الله وبركاته
فاطمه:وعليكم السلام ورحمة الله وبركاته هلا والله فيك
سالم:هلا والله بالغاليه وين نايف وحنان ماشوفهم
فاطمه:نايف نايم وحنان مع الخدامه تبدل لها
سالم:اها وانتي شفيك وجهك مقلوب صاير شي..
فاطمه:سالم تكفى اختي كلمتي تو وتصيح تقول فارس طلع

من الظهر وإلى الآن مارجع وخايفه عليه موت تقول جواله

مقفل تكفى سالم روح دوره باأي مكان بشغله بالشرطه

بالمستشفى بكل مكان..
سالم:مسكينه الله يكون بعونها لكن إن شاء الله مافيه إلا العافيه

انا بطلع اشوفه وبسوي اتصالات مع ربعي يشوفونه
فاطمه:الله يجزاك خير ياااااارب..
سالم وهو طالع:واياك يارب
::::::::::::::::::::::::::::::
في مكان ثاني..
ماجد:اقول سعد شخبار رفيقك فواز..
سعد:ههههههههه رفيقي قال والله لو أنه رفيقي لأكره الصداقه

كل ابوها فواز راآأإآأح وبغيبوبه وإن قام زين هههههههه
ماجد:والله ياسعد مانت بهين بس كل ذا تسويه في الولد علشان

مشكله بسيطه
سعد:من قال بسيطه عندك بسيطه عندي لا..
ماجد:والله مادري عنك ياسعد انت بتضيع نفسك وانا اشك ان

فواز يسوي كذا فواز الناس كلها تعرفه..
سعد:ولي بس ولي ماعندك سالفه انت الطيب روقناآأإ بس
قولي بتروح الإستراحه اليوم
ماجد:لا والله مالي نفس
سعد:كيفك انارايح أنت اللي بتضيع على نفسك الوناسه وانا

شايفك لك كم يوم منت عاجبني طايح نصايح وماتجي

الإستراحه
ماجد:الله يهدي الجميع....
::::::::::::::::::

في المستشفى
ممدد على سريره بين أجهزه ذات صوت مخيف ..في ظلام

ونرو خافت..لاحراااك..جسمه مغطى بأكمله بشاش أبيض

لاتظهر منه سوى شفتيه وانفه
وغرزاً في يديه جراء العمليه التي عملت له في يديه

لإستخراج الزجاج حتى لايصاب بالغرغرينه او تسمم الدم
الجو داخل هذه الغرفه كئييييييييب لأبعد الحدود..
::::::::::::::::::::
في مستشفى أبو سعود
راندا جلست تصيح يوم درت ان معها فشل كلوي لكنها سلمت

امرها لربها ورضت بقضاءه وقدره
وجلست عندها امها وريما ويارا أصرت عليها راندا غير

ترجع البيت لأنها تعبت معها كثير
رجعت يارا للبيت وهي تعباااااااانه وعلى طول انتظرت

العشاء يأذن صلت وناآأإآمت
::::::::::::::::::::
في بيت أبو عبد الله
كان الكل مجتمع تحت بعد العشا وكانت عندهم ديمة زوجة

عبد الله والبنات جالسين وناسه وضحك غير وحده جالسه

لوحدها وسرحانه كثييييييير..
وماهي معهم
وشوي سما::اقوووووووووول ياسرحان ياقمييييل..
ديمه:اقول جنوووووو وين رحتي
جنان انتبهت لهم وابتسمت:ولا شي معكم..
اسيل:مررررررره معانا رايحه فيها الأخت
سما:تفكر بحبيب القلب.
جنان هنا اكتئبت وتغيرت ملامح وجهها
سما بحزن:اسفه جنو ماكنت اقصد الله يقومه بالسلامه

يااااارب
جنان:لا عادي اللهم امين انا طالعه انام تعبانه والتفتت لديمة

زوجة عبد الله :ديمه انا اسفه ودي اجلس معك بس والله حيييل

تعبانه.
ديمه:لا عادي والله ياقلبي انتي لازم ترتاحين
جنان وهي طالعه:يلا تصبحو عل خير..
الجميع:وانتي من اهله
جنان راحت غرفتها وهي عارفة نفسها انها ماراح تنام بس

تبي تختلي بنفسها وتفرغ كل مشاعرها لدموعها..
::::::::::::::::::::::::::
في المستشفى
سالم جا للمستشفى يتطمن على الشاب اللي أنقذه بعد ماتصل

على جميع المستشفيات وشغل فارس والشرطه وماحصله لكن

بلغوا عنه وينتظرون كمان في جميع مناطق المملكه..
كان سالم
داخل وشوي يناديه الدكتور
د:يااستاذ سالم
سالم:هلا والله دكتور عبد الله
د:الله يحيك هلا فيك
سالم:تسلم هلا دكتور اتصلت علي وقلت أجي لكم ضروري
د:والله ياسالم هنا جانا مركز التحقيق من الشرطه ويبون

يسوون معك تحقيق بشأن الولد اللي أنقذته في الحادث لأن

مثل ماتعرف ان الهويه مجهوله وهم يبونك للتحقيق وحجزوا

عندهم صاحب السيارة الثانيه لأنه كان مدمن وماصابه شي

في الحادث وهو المخطئ وكمان مسكوا شهود عيان على

الحادث
وانت بتكون ضمن اللي راح يحققو معاهم
سالم:انا ماعندي مانع دام الشغله بتهم الولد لكن وين التحقيق
د:هنا بالمستشفى الحين دورك في المكتب تفضل
سالم:زين يالله توكلت على الله
::::::::::::::::::::
مر أسبوعين على الاحداث السابقه
الوضع كما هو عليه
فارس مفقود وامه تبكي عليه وتبعت وهي الآن ترقد في

المسشفى
فواز جسمه بعد ان كان يستجيب للعلاج معهم انتكست حالته

للأسوأ
راندا تقبلت الوضع ولكنها لاتزال في المستشفى
حلا وجنان وام فهد والجميع
حزنهم العميق على فواز مستمر لما هو عليه وخاصة حلا

ومهند ومنذر
مهند عاد من بريطانيا هو وابو فهد وبقي منذر هناك
حلا دوامت في الجامعه بعد غياب دام اسبوع
وكذا جنان
راندا حينما درت بإختفاء فارس انبت نفسها واصبح حالها

يرثى له بتأنيب الضمير
وسارة تاتي لتطمئن عليها يومياً
:::::::::::::::::::::::
التحقيقات مازالت مسمره وسالم يستدعى كل يوم هو باقي

المدعوين وهو ممنوع من الدخول على الشاب الذي انقذه حتي

يتم استكمال باقي التحقيقات
::::::::::::::::::::::::::::::::
ترقبوا الجزء الرابع عشر
هل تبقى الأحداث كما هي عليه ؟
المجهول في العنايه المركزه
حالة فواز..
التحقيقات..
اختفاء فارس المفاجئ
وشخصية سعد وماجد المجهولين..
ترقبوني احداث مميزه ومثيره
اختكم /الجمانه